"Челси" бош мураббийи Томас Тухель жамоанинг келаси икки ўйинида Ромелу Лукаку ва Тимо Вернернинг иштирок этмаслигини тасдиқлади.
"Мен уларнинг (Лукаку, Вернер) қачон майдонга қайтишини билмайман. Лекин шуниси аниқ, "Норвич" билан баҳсни иккала футболчи ҳам ўтказиб юборади. Ҳа, биз тўлиқ таркиб билан ўйнашни хоҳлаймиз, лекин баъзи воқеалар бунга йўл қўймайди. Иккала футболчилар ҳам жамоа учун муҳим ҳисобланади. Улар ҳозирда даволанмоқда ва келаси икки ўйинни ўтказиб юборишади", - деди Тухель "Норвич"га қарши ўйиндан олдинги матбуот анжуманида.
Эслатиб ўтамиз, Лукаку ва Вернер "аристократлар"нинг Чемпионлар лигаси 3-туридан ўрин олган "Малмё"га қарши учрашувда жароҳат олишган эди.
