Serbiyada boks bo‘yicha jahon chempionatiga start berildi. Bugun 2ta vazn toifasida janglar bo‘lib o‘tmoqda.
67 kg. vaznda Belgradga tashrif buyurgan Asadxo‘ja Mo‘ydinxo‘jayev 1/32 final bosqichi doirasida irlandiyalik Eugen Brenden MakKiverga qarshi ringga ko‘tarildi. Hamyurtimiz 3 raund davomida to‘liq ustunlikka erishdi. Uning zarbalari aniq, zalvorli va son jihatdan ko‘proq bo‘ldi. Asadxo‘ja raqibini o‘ziga yaqinlashtirmagan holda, olis masofadan zarba berishga intildi. Ushbu taktika unga muvaffaqiyat olib keldi — 5:0 (30:27, 30:27, 30:27, 30:27, 29:28).
Mo‘ydinxo‘jayev nimchorak final yo‘llanmasi uchun falastinlik Ahmed Hararaga qarshi ringga ko‘tariladi. Bu jang 28 oktyabr kuni bo‘lib o‘tadi.