Angliya Premyer-Ligasi 10-turidan o‘rin olgan «Liverpul» va «Brayton» jamoalari o‘rtasidagi bahsdan oldin qiziqarli ma’lumotlarni taqdim etamiz.
Bilasizmi?
«Liverpul» Angliya chempionatining oxirgi 2 o‘yinida «Uotford» va "Manchester Yunayted" jamoalari ustidan bir xil 5:0 hisobida g‘alaba qozondi. Bu ketishda ular ketma-ket 3 APL o‘yinida 5 va undan ko‘proq to‘p farqi bilan g‘alaba qozongan uchinchi jamoaga aylanishlari mumkin. Bunga qadar 2010 yilda «Chelsi» va 2017 yilda "Manchester Siti" ushbu ko‘rsatkichni qayd etishgan.
Muhammad Salah o‘tgan turda "Manchester Yunayted" darvozasiga uchta to‘p yo‘lladi va joriy mavsum APLdagi gollari sonini 10taga yetkazib oldi. Natijada, u jamoasining mavsumdagi 10-o‘yinidan oldin ikki xonali gol urgan APL tarixidagi uchinchi futbolchiga aylandi. 1995/96 yilgi mavsum «Nyukasl» a’zosi bo‘lgan Less Ferdinand va o‘tgan mavsum «Everton» hujumchisi Kalvert-Lyuin shu ishni uddalashgandi.
Premyer-Liga doirasida «Liverpul»ga qarshi birinchi 6 bahsning barchasida mag‘lub bo‘lgan «Brayton», o‘tgan mavsum «qizillar» bilan 2 uchrashuvda 4 ochko to‘pladi va fevralda o‘tkazilgan safar o‘yinida 1:0 hisobida g‘alaba qozongan edi.
«Brayton» o‘yinchisi Aleksis MakAllister joriy mavsum APLning 7 o‘yinida 2 gol urdi. Taqqoslash uchun, u ushbu musobaqaning birinchi 30 o‘yinida bitta gol urgan edi. Uning APLdagi uchta goli zaxiradan maydonga tushganida kiritilgan.
Bahs rasmiylari
Bosh hakam: Mayk Din
Qanot hakamlari: Eddi Smart, Mark Skoulz
Zaxira hakami: Kris Kavanag
VAR: Kevin Frend
VAR yordamchisi: Simon Bek
Jamoalar mazkur bahsni quyidagi tarkib bilan boshlashi taxmin qilinmoqda.
Taxminiy tarkiblar
«Liverpul»: Alisson, Arnold, Konate, van Deyk, Robertson, Jons, Xenderson, Keyta, Mane, Jota, Salah
«Brayton»: Sanches, Veltmen, Dank, Vebster, March, Grou, Lallana, Moder, Kukulerella, Moupay, Trossard
Jamoa yangiliklari
Nabi Keyta MYUga qarshi o‘yinda olgan qo‘rqinchli jarohatidan super darajada tiklandi va Klopp uning mazkur bahs uchun tayyor bo‘lishidan umid qilmoqda. Tiago ham jamoa mashg‘ulotlariga qaytggan, ammo uning eng yaxshi holatida ham zaxirada o‘tirishi mumkin. Fabinyo esa jarohatidan tuzalmagan va «Brayton»ga qarshi o‘yinda ,urabbiy tavakkal qilmaydi. Jeyms Milner va Harvi Elliot safdan chiqishgan, ularning o‘rni yarim himoya chizig‘ida Aleks Oksleyd Chemberlen va Kurtis Jons bilan to‘ldiriladi. Sadio Mane o‘tgan hafta dam oldi, shuning uchun kelasi hafta «Atletiko»ga qarshi bahsdan oldin Firmino yoki Salah rotasiya qilinsa ham ajab emas.
Mehmonlar safida Stiven Alzate va Denni Uelbek jarohati bois maydonga tusha olishmaydi. Den Burn va Teylor Richards ham to‘liq tiklanib ulgurishmagan.
Raqamlar
«Liverpul» APLda 19 uchrashuvdan beri mag‘lubiyat nima ekanligini bilmay kelmoqda.
«Liverpul»ning oxirgi 6 o‘yinida o‘rtacha 2,5tadan ko‘proq gol kiritilgan (Premyer-Liga)
«Qizillar» Angliya chempionatidagi so‘nggi 6 uchrashuvidan beshtasida kamida 3 ta gol urishni uddalashgan.
«Brayton» APLdagi so‘nggi 3 safar o‘yinida qatnashgan bahslarida o‘rtacha 2,5 tadan kamroq gol urilgan.
Tomonlar ushbu musobaqada o‘zaro 8 marta to‘qnash kelishgan. 6 marta Mersisayd klubi g‘alaba qozongan bo‘lsa, 1 marta mehmonlar zafar quchishgan. 9 o‘yindan keyin 21 ochko to‘plagan Kopp shogirdlari ikkinchi, «Brayton» esa 15 ochko bilan 5-o‘rinda bormoqda.
Eslatib o‘tamiz, mazkur bahs bugun Toshkent vaqti bilan soat 19:00 da boshlanadi.
