Angliya Premyer-Ligasi 11-turi doirasida «Everton» o‘z maydonida «Tottenxem»ni qabul qiladi.
Bilasizmi?
«Tottenxem» yangi bosh murabbiyi Antonio Konte «Chelsi»da ishlagan davrida Premyer-Liga doirasida «Everton»ga mag‘lub bo‘lmagan (3 g‘alaba, 1 durang) va uning jamoasi shu to‘rt uchrashuvda birorta gol o‘tkazib yubormagan.
«Everton» Premyer-Liga doirasida «shporlar»ni oxirgi 17 uchrashuvda faqat bir marta mag‘lub etishgan (8 durang, 8 mag‘lubiyat). O‘sha g‘alaba o‘tgan mavsum «Tottenxem» stadionida (1:0) qayd etilgandi.
Xarri Keyn «Tottenxem» tarkibida «Everton»ga qarshi 12 APL o‘yinida 11 gol urishga erishgan, shulardan besh martasida dubl qayd etgan. Faqatgina Alan Shirer «Lids»ga qarshi uchrashuvda bir raqib darvozasiga bir o‘yinda ko‘p gol urish bo‘yicha Keyndan oldinda bormoqda (oltita dubl, bitta xet-trik).
«Everton» 2021 yilda Premyer-Ligada 9 uy uchrashuvida mag‘lubiyatga uchradi. Faqatgina 1993 yilda ular Premyer-Liga doirasidagi uy o‘yinlarida 10 marta mag‘lub bo‘lishgan.
Bahs rasmiylari
Bosh hakam: Kris Kavanag
Qanot hakamlari: Den Kuk, Xarri Lennard
Zaxira hakami: Entoni Teylor
VAR: Jonanatan Moss
VAR yordamchisi: Mark Perri
Taxminiy tarkiblar
«Everton»: Pikford, Koulmen, Kin, Xolgeyt, Din, Allan, Delf, Taunsend, Ivobi, Grey, Risharlison
«Tottenxem»: Lyoris, Romero, Dayer, Deyvis, Skipp, Xoyberg, Royal, Regilyon, Moura, Keyn, Son.
Jamoa xabarlari
Luka Din ushbu haftada mashg‘ulotlar o‘tkazmoqda va holati yaxshi. U bugungi bahsda qaytishi kerak. Rafa Benites shogirdlari: Kalvert-Lyuin, Gomesh, Dukure va Mina safga qaytishmaganini tasdiqladi. Fabian Delf ushbu bahsda asosiyda tushishi mumkin.
Antonio Konte Premyer-Ligada «Tottenxem» ustozi sifatida ilk o‘yinini o‘tkazadi va 3-4-3 sxemasida o‘yinni boshlashi kutilmoqda. Brayan Gill va Rayan Sessenyon jamoaga jarohati bois yordam bera olishmaydi. Kristian Romero payshanba kuni «Vitess»ga qarshi uchrashuvda qizil kartochka olgan bo‘lsada, mamlakat chempionatida maydonga tushishi mumkin.
Raqamlar
«Everton» barcha musobaqalarda «Tottenxem»ga qarshi oxirgi 3 uy o‘yinida durang natija qayd etgan.
«Tottenxem» barcha musobaqalarda «irischilar»ga qarshi oxirgi 18 o‘yinnning 17tasida mag‘lubiyatga uchramagan.
«Tottenxem»ning Premyer-Ligadagi oxirgi 7 uchrashuvidan oltitasida o‘rtacha 2,5tadan ko‘proq gol kiritilgan.
Tomonlar o‘zaro 58 marta APL doirasida uchrashishgan. «Tottenxem» 27 marta g‘alaba qozongan, «Everton» esa 9. 22 bahsda esa durang natija qayd etilgan.
Eslatib o‘tamiz, mazkur bahs bugun Toshkent vaqti bilan soat 19:00da boshlanishi rejalashtirilgan.
