Italiya A Seriyasi 12 turidan o‘rin olgan " Napoli" va "Verona" o‘rtasidagi bahs o‘z nihoyasiga yetdi.
Uchrashuv ikki jamoaning faolligi ostida boshlandi. Mehmonlar bahsning 13 daqiqasida Simeonening goli evaziga oldinga chiqib olishdi. 18 daqiqada mezbonlar standart vaziyatga ega bo‘lishdi. Hujum avvaliga bartaraf etilgandek edi, ammo "Napoli" futbolchilari ikkinchi temp bilan vaziyatni keskinlashtirdi. Jarima maydonchasi ichida to‘pni egallagan Di Lorenso vaziyatdan unumli foydalanib muvozanatni tikladi. Jamoalar qancha urinishmasin hisob boshqa o‘zgarmadi.
Gollar:
0:1 – 13 Simeone, 1:1 – 18 Di Lorenso.
Napoli – Ospina, Di Lorenso, Jezus, Rraxmani, Mariu Ruy, Zelinski (Elmaz, 62), Fabian Ruis, Zambo-Angissa (Mertens, 86), Insinye (Unas, 86), Politano (Losano, 62), Osimxen (Petanya, 90).
Verona – Montipo, Faraoni, Chekkerini, Gyunter (Manyani, 84), Davidovich, Kazale, Velozu, Tamez, Barak (Bessa, 75), Kaprari (Kalinich, 84), Simeone (Lazanya, 75).
Ogohlantirishlar:
Rraxmani (31), Barak (41), Velozu (59), Davidovich (68), Bessa (80), Kalinich (85), Osimxen (87).
Chetlatishlar:
Bessa (88), Kalinich (90).
