Sobiq "Tottenxem" klubi futbolchisi Jeymi O'Xara "Arsenal" bosh murabbiyi Mikel Arteta haqida fikr bildirdi. U "talkSPORT" nashriga shunday deydi:
"Men yangi mavsum avvalida "Arsenal"ni qattiq tanqid qilgan edim. Men Arteta jamoasini "banter klub"(o‘tmishi shonli, ammo hozirda istalgan odam ustidan kulishi mumkin bo‘lgan jamoa) deb ataganman. Hozir esa, ular kuchli bo‘lib qaytishdi. Men Arteta eplay olayotgan narsani hozirda "Tottenxem"da ko‘ra olmayapman. U ham bo‘lsa - yangi xarid qilingan futbolchilar jamoada o‘ynab keta olishi. "Arsenal"ning yaqin ikki yil ichidagi xarid qilgan futbolchilari jamoaning asosiy ustunlariga aylanayotgan bir paytda, "Tottenxem"da bu narsa kuzatilmayapti. Bu narsa jahlimni chiqarmoqda. Arteta jamoasiga yangi futbolchilar bilan birga o‘zgacha ishonch va ma’noli o‘yin ham keldi".
Eslatib o‘tamiz, Mikel Arteta kecha klub murabbiyi sifatida jamoasini 100-marta maydonga olib tushdi. U bu o‘yinlarning 54tasini g‘alaba bilan yakunlay olgan.
