JCH-2022 saralash bahslaridan o‘rin olgan navbatdagi uchrashuvda Bosniya va Gersegovina terma jamoasi Ukrainaga qarshi maydonga chiqadi.
Bosniya futbol federasiyasi rasmiy sayti xabar berishicha, "Inter" hujumchisi Edin Jeko jarohat sabab ushbu bahsni o‘tkazib yuboradi.
"Tekshiruv natijalariga ko‘ra, Jekoda son orqa mushaklarininig ma’lum darajada shikastlanishi aniqlandi. Shuning uchun, futbolchi fizioterapiyadan o‘tkazildi", – deyiladi rasmiy bayonotda.
Jeko joriy mavsumda "Inter" safida chempionat doirasida 12 uchrashuv o‘tkazib, 7 gol urdi va 1 golli uzatmani amalga oshirdi.