"Pari Sen-Jermen" hujumchisi Kilian Mbappening klub bilan shartnomasi joriy mavsum yakuniga yetadi va u kelasi yilning yozida "Real" a’zosiga aylanishi kutilmoqda.

Ammo ba’zi OAV bu haqda xulosa qilishga shoshilmaslikni ta’kidlamoqda. Xususan, "El Nacional" tarqatgan xabarga ko‘ra, Mbappening o‘zi Karlo Anchelotti tufayli Madridga yo‘l olishni unchalik istamayapti. Boisi, italiyalik mutaxassis hozirda Kilianga hech qanday kafolat bermayapti.

Anchelottining «Qirollik klubi» bilan shartnomasi 2024 yilning yoziga qadar tuzilgan. Shunday ekan, Mbappe "Real" bilan shartnoma imzolaydigan bo‘lsa, kamida ikki yil davomida 62 yoshli mutaxassis qo‘lostida to‘p tepishiga to‘g‘ri keladi.

Shuningdek, «Liverpul» klubi fransiyalik futbolchiga qiziqish bildirayotgan jamoalardan biri hisoblanadi. Mbappening o‘ziga ham Yurgen Klopp bilan ishlash varianti ko‘proq ma’qul kelmoqda. Germaniyalik mutaxassis hujumkor futbol tarafdori hisoblanadi. Bundan tashqari, «Liverpul» Kilianga "Madrid"ga nisbatan ko‘proq maqosh taklif qilishi mumkin.

«PSJ» esa Mbappe bilan shartnomani uzaytirish borasida muzokaralarni to‘xtatmayapti. Ammo futbolchi yanvar oyidan boshlab har qanday jamoa bilan muzokara boshlash huquqini qo‘lga kiritadi.