Angliyaning "Everton" jamoasi "Monako" yarim himoyachisi Aleksandr Golovin hizmatlariga qiziqish bildirmoqda, deya xabar berdi "Liverpool Echo" nashri.

Ma’lumotlarga ko‘ra, mersisaydliklar bosh murabbiyi Rafael Benites futbolchini yanvar oyidayoq jamoasida ko‘rmoqchi. "Monako"ning transfer uchun 40 million funt so‘ragani vaziyatni murakkablashtirdi. "Irislar" futbolchi uchun bunday katta summa to‘lashga tayyor emas, deyiladi xabarda.

26 yoshli Golovin joriy mavsum fransuz klubi safida barcha turnirlarda 16 bor maydonga tushib, 3 gol urib, huddi shuncha golga assistentlikni amalga oshirdi. "Transfermarkt" portali futbolchining narhini 28 million yevroga baholagan.