Англиянинг "Эвертон" жамоаси "Монако" ярим ҳимоячиси Александр Головин ҳизматларига қизиқиш билдирмоқда, дея хабар берди "Liverpool Echo" нашри.
Маълумотларга кўра, мерсисайдликлар бош мураббийи Рафаэль Бенитес футболчини январь ойидаёқ жамоасида кўрмоқчи. "Монако"нинг трансфер учун 40 миллион фунт сўрагани вазиятни мураккаблаштирди. "Ирислар" футболчи учун бундай катта сумма тўлашга тайёр эмас, дейилади хабарда.
26 ёшли Головин жорий мавсум француз клуби сафида барча турнирларда 16 бор майдонга тушиб, 3 гол уриб, ҳудди шунча голга ассистентликни амалга оширди. "Transfermarkt" портали футболчининг нарҳини 28 миллион еврога баҳолаган.
