"PSJ" ayollar klubi a’zosi Amanita Diallo hibsga olindi. Bu haqda "lequipe" xabar tarqatdi.

Diallo bezorilarni yollab, tarkibdagi raqobatchisi bo‘lmish Xeyra Hamroviyga tan jarohatlari yetkazdirishda ayblanmoqda. Eslatib o‘tamiz, 4 noyabr kuni dugonalar restorandan qaytishayotganida ikki nafar bezori mashinaga yugurib kelib, mashinani ochishgan va Hamroviyni salondan chiqarib olishgan. Rulda esa Diallo bo‘lgan.

Bezorilar Xeyraning oyoqlariga armatura bilan urishgan va shundan so‘ng voqea joyidan qochib ketishgan. Jarohatlangan futbolchi shifoxonaga yotqizilgan va unga tibbiy yordam ko‘rsatilgan (yirtilgan joylari tikilgan).

Natijada Xeyra ayollar o‘rtasidagi Yevropa chempionlar ligasi doirasida "Real"ga qarshi o‘yinda (4:0) ishtirok eta olmadi. Uning o‘rniga esa Aminata Diallo tushirildi.

Aminata Diallo 10 noyabr kuni ertalab polisiya tomonidan hibsga olindi va unga nisbatan jinoiy ish ochildi.

"Pari Sen-Jermen" klubi ushbu voqea yuzasidan bayonot berib, bu borada huquqni himoya qilish organlari bilan hamkorlik qilayotganini va o‘z futbolchilarining sog‘lig‘i va xavfsizligini himoya qilish uchun kerakli choralarni ko‘rayotganini ma’lum qildi.