"Arsenal" hujumchisi Gabriel Martinellining otasi "kanonirlar" bir necha bor futbolchini boshqa klubga qo‘yib yuborishdan bosh tortganini aytdi.
"Gabriel jarohatidan tuzalgach, o‘zi xohlaganidan ancha kam o‘yin o‘tkazdi. Unga Yevropaning top klublaridan bir nechta takliflar bo‘lgan, ammo "Arsenal" u bilan xayrlashishni istamagan. Hamma Gabrielni yaxshi ko‘radi va nafaqat o‘yini, balki jamoaga bo‘lgan munosabati uchun ham. U deyarli har doim mashg‘ulotlarga birinchi bo‘lib keladi va oxirgi bo‘lib ketadi", - dedi Joao Martinelli "Yahoo"ga bergan intervyusida.
2021/22 yilgi mavsumda Martinelli "Arsenal"ning 8ta o‘yinida qatnashib, 1ta golga assistentlik qilgan. "Transfermarkt.com" portali 20 yoshli braziliyalik futbolchining narxini 22 million yevroga baholamoqda.
