"Yuventus" hujumchisi Federiko Bernardeski agenti Mino Rayola bilan shartnomani bekor qildi. Bu haqda italiyalik jurnalisti Romeo Argesti o‘z "Twitter" sahifasida ma’lum qildi.
Qayd etilishicha, futbolchi boshqa bir futbol agenti Federiko Pastorello bilan ishlaydi. Ushbu mutaxassis hozirda "Yuventus"ning braziliyalik yarim himoyachisi Arturning ham agenti hisoblanadi.
Eslatib o‘tamiz, Bernardeskining "keksa sinyora" bilan amaldagi shartnomasi joriy mavsum yakunida nihoyasiga yetadi. Joriy mavsum italiyalik 27 yoshli hujumchi 12 o‘yinda maydonga tushib, 2ta golga assistentlikni amalga oshirdi.