"Ювентус" ҳужумчиси Федерико Бернардески агенти Мино Райола билан шартномани бекор қилди. Бу ҳақда италиялик журналисти Ромео Аргести ўз "Twitter" саҳифасида маълум қилди.
Қайд этилишича, футболчи бошқа бир футбол агенти Федерико Пасторелло билан ишлайди. Ушбу мутахассис ҳозирда "Ювентус"нинг бразилиялик ярим ҳимоячиси Артурнинг ҳам агенти ҳисобланади.
Эслатиб ўтамиз, Бернардескининг "кекса синьора" билан амалдаги шартномаси жорий мавсум якунида ниҳоясига етади. Жорий мавсум италиялик 27 ёшли ҳужумчи 12 ўйинда майдонга тушиб, 2та голга ассистентликни амалга оширди.