Misrlik Muhammad Elneni Londonning “Arsenal” klubidagi faoliyatini yakunlashga yaqin turibdi. “The Sun” nashri xabariga ko‘ra, futbolchi faoliyatini Turkiya Superligasida davom ettiradi. Futbolchi bilan shartnoma imzolash uchun favorit “Galatasaroy” hisoblanadi.
Istanbul grandi jamoasi allaqachon Muhammadning transferi bo‘yicha dastlabki muzokaralarni olib borgan. Kelishuv yanvar oyidagi transfer oynasi ochilganda rasmiylashtirilishi kutilmoqda.
Transfermarkt portaliga ko‘ra, Elneni narxi 10 million yevroni tashkil qiladi. Uning “kanonirlar” bilan shartnomasi yozgacha mo‘ljallangan.
