Мисрлик Муҳаммад Элнени Лондоннинг “Арсенал” клубидаги фаолиятини якунлашга яқин турибди. “The Sun” нашри хабарига кўра, футболчи фаолиятини Туркия Суперлигасида давом эттиради. Футболчи билан шартнома имзолаш учун фаворит “Галатасарой” ҳисобланади.
Истанбул гранди жамоаси аллақачон Муҳаммаднинг трансфери бўйича дастлабки музокараларни олиб борган. Келишув январь ойидаги трансфер ойнаси очилганда расмийлаштирилиши кутилмоқда.
Трансфермаркт порталига кўра, Элнени нархи 10 миллион еврони ташкил қилади. Унинг “канонирлар” билан шартномаси ёзгача мўлжалланган.
