Italiyalik mashhur jurnalist Fabrisio Romanoning xabar berishicha, "Chelsi" o‘zining braziliyalik himoyachisi Tiago Silva bilan shartnomani uzaytirmoqchi.

Ma’lumotlarga ko‘ra, klub va 37 yoshli futbolchining agenti o‘rtasida noyabr oyi oxirigacha uchrashuv o‘tkazilishi ko‘zda tutilgan. Silvaning o‘zi faoliyatini Angliyada davom ettirishdan mamnun.

Eslatib o‘tamiz, Tiagoning "aristokratlar" bilan amaldagi shartnomasi 2022 yilning yozida yakuniga yetadi. "Transfermarkt" portali futbolchining narhini 3 million yevroga baholagan.