PSJ bosh murabbiyi Maurisio Pochettino Sulsher iste’fosidan so‘ng MYUda ishlashga qiziqmoqda.
"The times" nashri xabariga ko‘ra, mutaxassis do‘stlariga mavsum yakunida mankunianliklarni boshqarishga qarshi emasligini aytgan. Shuningdek, "Daily Mail" ma’lumotlariga ko‘ra, 49 yoshli argentinalik Parij klubidagi mavqeidan norozi.
Manbaga ko‘ra, Pochettino xudbinlikka moyil Lionel Messi, Neymar va Kilian Mbappelar hukmronlik qiladigan jamoani boshqarishdan charchagan.Bundan tashqari, murabbiy hamon mehmonxonada istiqomat qiladi, uning oilasi esa Londonda qolgan, u avvalroq “Tottenxem”ni boshqargan.
"Manchester Yunayted" Pochettino nomzodini 2018 yilning dekabrida, Sulsher tayinlanishidan oldin, Joze Mourinyoning o‘rniga nomzod qidirayotganda ko‘rib chiqqan edi.
Keyingi uchrashuvlarda “Manchester Yunayted”ni Maykl Kerrik boshqaradi.
