ПСЖ бош мураббийи Маурисио Почеттино Сульшер истеъфосидан сўнг МЮда ишлашга қизиқмоқда.

"The times" нашри хабарига кўра, мутахассис дўстларига мавсум якунида манкунианликларни бошқаришга қарши эмаслигини айтган. Шунингдек, "Daily Mail" маълумотларига кўра, 49 ёшли аргентиналик Париж клубидаги мавқеидан норози.

Манбага кўра, Почеттино худбинликка мойил Лионель Месси, Неймар ва Килиан Мбаппелар ҳукмронлик қиладиган жамоани бошқаришдан чарчаган.Бундан ташқари, мураббий ҳамон меҳмонхонада истиқомат қилади, унинг оиласи эса Лондонда қолган, у аввалроқ “Тоттенхэм”ни бошқарган.

"Манчестер Юнайтед" Почеттино номзодини 2018 йилнинг декабрида, Сульшер тайинланишидан олдин, Жозе Моуриньонинг ўрнига номзод қидираётганда кўриб чиққан эди.

Кейинги учрашувларда “Манчестер Юнайтед”ни Майкл Кэррик бошқаради.