"Zenit" yaqin vaqt ichida jamoa hujumchisi Serdar Azmun bilan shartnomani uzaytirish masalasini muhokama qilishni rejalashtirmoqda, deya xabar berdi klubdagi vaziyatdan xabardor manba.
Ma’lumotlarga ko‘ra, klub dekabr oyida futbolchining agenti bilan muzokaralarni boshlaydi. Biroq, eronlikning o‘zi faoliyatini Yevropadagi klublardan birida davom ettirmoqchi.
Avvalroq futbolchiga "Lion" qiziqayotgani haqida xabarlar tarqalgan edi. Transfer summasi 8 million yevroni tashkil qilishi mumkin.
26 yoshli futbolchining “Zenit” bilan shartnomasi 2022 yilning iyun oyi oxirida yakuniga etadi. "Transfermarkt" portali futbolchini 25 millionga baholamoqda.
2021/22 yilgi mavsumda Azmun “Zenit” safida barcha turnirlarda 18ta o‘yin o‘tkazib, 9ta gol urdi va 4ta golli uzatmani amalga oshirdi.
