"Зенит" яқин вақт ичида жамоа ҳужумчиси Сердар Азмун билан шартномани узайтириш масаласини муҳокама қилишни режалаштирмоқда, дея хабар берди клубдаги вазиятдан хабардор манба.
Маълумотларга кўра, клуб декабрь ойида футболчининг агенти билан музокараларни бошлайди. Бироқ, эронликнинг ўзи фаолиятини Европадаги клублардан бирида давом эттирмоқчи.
Аввалроқ футболчига "Лион" қизиқаётгани ҳақида хабарлар тарқалган эди. Трансфер суммаси 8 миллион еврони ташкил қилиши мумкин.
26 ёшли футболчининг “Зенит” билан шартномаси 2022 йилнинг июнь ойи охирида якунига этади. "Transfermarkt" портали футболчини 25 миллионга баҳоламоқда.
2021/22 йилги мавсумда Азмун “Зенит” сафида барча турнирларда 18та ўйин ўтказиб, 9та гол урди ва 4та голли узатмани амалга оширди.
