"Elche" jamoasi o‘zining rasmiy saytida jamoa bosh murabbiyi Fran Eskribaning iste’foga chiqarilganini e’lon qildi. Bu qaror klubning "Betis"ga qarshi o‘z uyidagi (0:3) mag‘lubiyatdan so‘ng qabul qilindi.

Eskriba fevral oyidan buyon "Elche"ni boshqarib kelayotgan edi. Jamoa uning qo‘l ostida 31ta o‘yin o‘tkazgan. Avvalroq, mutaxassis ushbu klubni 2012 yildan 2015 yilgacha boshqargan edi.

Qayd etish joiz, "Elche" ayni vaqtda La Liga turnir jadvalining 18-o‘rnida bormoqda. Jamoa 14 tur davomida bor yo‘g‘i 2 g‘alaba qayd etgan.