"Эльче" жамоаси ўзининг расмий сайтида жамоа бош мураббийи Фран Эскрибанинг истеъфога чиқарилганини эълон қилди. Бу қарор клубнинг "Бетис"га қарши ўз уйидаги (0:3) мағлубиятдан сўнг қабул қилинди.
Эскриба февраль ойидан буён "Эльче"ни бошқариб келаётган эди. Жамоа унинг қўл остида 31та ўйин ўтказган. Аввалроқ, мутахассис ушбу клубни 2012 йилдан 2015 йилгача бошқарган эди.
Қайд этиш жоиз, "Эльче" айни вақтда Ла Лига турнир жадвалининг 18-ўрнида бормоқда. Жамоа 14 тур давомида бор йўғи 2 ғалаба қайд этган.
