«Roma» yarim himoyachisi Genrix Mxitaryan qishki transfer oynasida «Krasnodar» yoki «Zenit»ga o‘tishi mumkin edi.
Match TV xabariga ko‘ra, Rossiyaning ikkala top-klubi ham 32 yoshli futbolchi bilan bog‘lanishgan, biroq rad javobi berilgan.
Arman hali ham oilaviy sabablarga ko‘ra Yevropada qolmoqchi.
Joriy mavsumda Mxitaryan «Roma» safida 16 ta o‘yinda maydonga tushib, 2 ta gol urdi va 4 ta golli uzatmani amalga oshirdi. Uning «bo‘rilar» bilan shartnomasi 2022 yilning iyunida yakuniga etadi. Futbolchining bozor narxi 15 million yevroni tashkil qiladi.
