«Real»ning sobiq yarim himoyachisi Rafayel van der Vart «PSJ» hujumchisi Lionel Messini tanqid qildi. Niderlandiyalik futbolchining fikricha, Messi «PSJ» uchun o‘yinlarda hamma narsani bermayapti.
«Messining o‘yini meni xafa qilyapti. U hayotdan nimani xohlashini tushunishi kerak. Yo futbol o‘ynaydi, yo o‘ynamaydi. Shubhasiz Mbappe va Neymar Messidan yaxshiroq ko‘rinadi. Krishtianu Ronalduga qarasangiz, u qanchalik boshqacha ekanini ko‘rasiz. Ronaldu har doim o‘z jamoasini kuchliroq qilishni istaydi va maydonda bor kuchi bilan harakat qiladi.
Messi? Ba’zan u maydonda shunchaki yuradi. Keyin o‘ylay boshlayman, u o‘z holatidan uyalmayaptimi? U bu xarakterini Ronald Kuman qo‘l ostida boshlagan. Messi shunchaki futbol o‘ynashdan charchaganga o‘xshaydi», - deydi Van der Vart.
