«Реал»нинг собиқ ярим ҳимоячиси Рафаель ван дер Варт «ПСЖ» ҳужумчиси Лионель Мессини танқид қилди. Нидерландиялик футболчининг фикрича, Месси «ПСЖ» учун ўйинларда ҳамма нарсани бермаяпти.

«Мессининг ўйини мени хафа қиляпти. У ҳаётдан нимани хоҳлашини тушуниши керак. Ё футбол ўйнайди, ё ўйнамайди. Шубҳасиз Мбаппе ва Неймар Мессидан яхшироқ кўринади. Криштиану Роналдуга қарасангиз, у қанчалик бошқача эканини кўрасиз. Роналду ҳар доим ўз жамоасини кучлироқ қилишни истайди ва майдонда бор кучи билан ҳаракат қилади.

Месси? Баъзан у майдонда шунчаки юради. Кейин ўйлай бошлайман, у ўз ҳолатидан уялмаяптими? У бу характерини Роналд Куман қўл остида бошлаган. Месси шунчаки футбол ўйнашдан чарчаганга ўхшайди», - дейди Ван дер Варт.