Italiya matbuoti Ivan Perishichning kelasi yozda amaldagi shartnomasi tugaganidan keyin “Inter”ni tark etish istagi borligi haqida xabar bergan bo‘lsada, futbolchining o‘zi Milan klubi bilan shartnomani uzaytirmoqchi ekanligini yashirmadi. 

Chempionlar ligasi doirasidagi “Shaxtyor” bilan o‘yindan so‘ng xorvatiyalik futbolchi jamoada qolishga qarshi emasligini ta’kidladi.

“Ayni paytda asosiy e’tibor bugungi kunga qaratilgan, rahbariyat bilan keyinroq gaplashamiz. Hamma narsa bo‘lishi mumkin, biz bir necha hafta ichida nima bo‘lishini kuzatishimiz mumkin”, dedi Perishich.

32 yoshli futbolchi joriy mavsumda “Inter”ning 16 ta o‘yinida maydonga tushib, 3 ta gol va 2 ta golli uzatmaga mualliflik qilgan.