Италия матбуоти Иван Перишичнинг келаси ёзда амалдаги шартномаси тугаганидан кейин “Интер”ни тарк этиш истаги борлиги ҳақида хабар берган бўлсада, футболчининг ўзи Милан клуби билан шартномани узайтирмоқчи эканлигини яширмади. 

Чемпионлар лигаси доирасидаги “Шахтёр” билан ўйиндан сўнг хорватиялик футболчи жамоада қолишга қарши эмаслигини таъкидлади.

“Айни пайтда асосий эътибор бугунги кунга қаратилган, раҳбарият билан кейинроқ гаплашамиз. Ҳамма нарса бўлиши мумкин, биз бир неча ҳафта ичида нима бўлишини кузатишимиз мумкин”, деди Перишич.

32 ёшли футболчи жорий мавсумда “Интер”нинг 16 та ўйинида майдонга тушиб, 3 та гол ва 2 та голли узатмага муаллифлик қилган.