Suhbatda MOQ raisi mamlakatimizda sog‘lom turmush tarzi targ‘ibotini kuchaytirishga qaratilayotgan e’tibor xususida to‘xtalib o‘tdi.
O‘z o‘rnida Ravshan Irmatov ham kompaniyaning O‘zbekiston futbol assosiasiyasi, xususan, Professional futbol ligasi bilan 3 yildan beri hamkorlikda faoliyat olib borayotganini alohida ta’kidladi.
“Ushbu hamkorlik O‘FA va “Coca Cola Uzbekistan” uchun ikki tomonlama rivojlanish imkoniyatini berdi. Superliga, Proliga, O‘zbekiston kubogi, bolalar futboli, ommaviy futbol va boshqa qator yo‘nalishlarda loyihalar amalga oshirildi. “Coca Cola” bilan birga ushbu musobaqalar yangi bosqichga chiqdi. Kelajakda ham kompaniya bilan ko‘plab futbol musobaqalari va tadbirlari o‘tkazish, bu orqali yurtimizda futbol ommaviyligini oshirishga erishishni niyat qilganmiz. Ushbu hamkorlikni davom ettirishdan mamnunmiz”, dedi Ravshan Ermatov.
Shuningdek, O‘FA birinchi vise-prezidenti Ezel Agaogluni 4 dekabr kuni Samarqand shahrida o‘tadigan O‘zbekiston kubogining final uchrashuviga taklif etib qoldi.
Ezel Agaoglu samimiy qabul uchun minnatdorchilik izhor qilib, kelgusida hamkorlik loyihalarini ko‘rib chiqish, futbol va Olimpizm targ‘iboti bilan birgalikda ishlash kompaniyaning istiqbolli rejalaridan biri ekanini ta’kidladi.