“Everton” klubi klubi Moskvaning “Dinamo” jamoasining iqtidorli futbolchisi Arsen Zaxaryanga qiziqish bildirmoqda. Bu haqda Britaniya matbuoti xabar bermoqda.

Ammo, futbolchining agenti buni rad etdi. Zaxaryanning agenti so‘zlariga ko‘ra, hech kim u bilan ham, Arsen bilan ham bevosita aloqaga chiqmagan. Balki to‘g‘ridan-to‘g‘ri “Dinamo” rahbariyatidan so‘rov jo‘natgan bo‘lishi mumkin.

Zaxaryan rossiyalik eng istiqbolli futbolchilardan biri. Hozir Samarada tug‘ilgan futbolchi atigi 18 yoshda. “Dinamo” ustozi Sandro Shvars Arsenga ishonadi va uni muntazam o‘yin amaliyoti bilan ta’minlaydi.