Madridning “Real” klubi bosh murabbiyi Karlo Anchelotti “Atletik”ga qarshi qoldirilgan La Liganing 9-tur uchrashuvi oldidan braziliyalik vinger Vinisius Junior haqida fikr bildirdi.
"Vinisius juda kamtar, bu uning ko‘plab fazilatlaridan biri. U afsonaviy futbolchilar bilan birga o‘ynashini biladi va jamoadoshlaridan nimani o‘rganish kerakligini biladi", - deydi italiyalik mutaxassis.
Joriy mavsumda Vinisius La Ligada 14 ta o‘yin o‘tkazib, 9 ta gol urdi va 2 ta golli uzatmani amalga oshirdi.