"Chelsi" futbolchisi Tiagu Silva Ronaldu hamda Messini solishtirdi. U "ESPN" kanaliga shunday deydi:

"Messining boshqalardan kichik farqi shundaki, uni birga-bir yoxud ikkiga bir holatda to‘xtatib qolish juda qiyin. Ronaldu bilan esa, bunday deya olmayman. Unga qarshi ikkita futbolchi bo‘lsa, yetarli. Siz uni himoyada ikki kishi bo‘lib to‘xtatish imkoniga ega bo‘lasiz. Shunga qaramay, Messi va Ronaldu alohida va fantastik fenomendir. Menimcha, Ronalduga qarshi himoyalanishdan ko‘ra, Messiga qarshi o‘ynash murakkabroq".

Eslatib o‘tamiz, "Chelsi" bugun tunda "Uotford"ni 2-1 hisobida mag‘lub etgan edi.