8 dekabr kuni Chempionlar ligasi guruh bosqichi 6-turidan o‘rin olgan «Bavariya» hamda «Barselona» o‘rtasidagi uchrashuv bo‘sh tribunalar bilan o‘tkaziladi. Bu haqda Kataloniya klubi rasmiy sayti xabar berdi.
O‘yinni tomoshabinlarsiz o‘tkazish to‘g‘risidagi qaror viloyatdagi epidemiologik vaziyat yomonlashgani sababli qabul qilingan.
Ma’lumot o‘rnida, «Bavariya» allaqachon Chempionlar ligasi 1/8 finaliga yo‘llanmani qo‘lga kiritgan va «Barselona» «Benfika» bilan ushbu kvartetdan ikkinchi yo‘llanma uchun kurashadi. Ayni damda kataloniyaliklarda 7 ochko, lissabonlarda esa 5 ochko bor.
Eslatib o‘tamiz, birinchi turda «Bavariya» «Kamp Nou»da «Barselona»ni 3:0 hisobida mag‘lub etgandi.
