"Manchester Yunayted"ning yangi bosh murabbiyi Ralf Rangnik hujumchi Krishtianu Ronaldu haqida o‘z fikrlari bilan o‘rtoqlashdi.

"Agar Ronaldu mening pressing uslubimga to‘g‘ri kelmasa, unda uslubni moslashtirish kerak. Men tarkibdagi futbolchilarga bog‘liqman. Men 36 yoshli Krishtianuning "Arsenal"ga qarshi ikkinchi bo‘limda o‘ynaganini ko‘rdim. U ajoyib professional o‘yinchi.

Uning yoshidagi futbolchini bunday jismoniy holatda ko‘rmaganman. U o‘yinlar natijasini bemalol hal qila oladi. Lekin gap faqat u haqida emas, gap butun jamoani rivojlantirishda. Ko‘rgan narsasidan kelib chiqib aytadigan bo‘lsak, Ronaldu umumiy maqsadlarga erishish uchun qo‘lidan kelganini qilishga tayyor", - deya Rangnik so‘zlaridan iqtibos keltiradi "BBC" nashri.

Avgust oyi oxirida "Yunayted"ga qaytganidan beri Ronaldu 16 o‘yinda 12 ta gol urdi va 2 ta golli uzatmani amalga oshirdi.