"Манчестер Юнайтед"нинг янги бош мураббийи Ральф Рангник ҳужумчи Криштиану Роналду ҳақида ўз фикрлари билан ўртоқлашди.
"Агар Роналду менинг прессинг услубимга тўғри келмаса, унда услубни мослаштириш керак. Мен таркибдаги футболчиларга боғлиқман. Мен 36 ёшли Криштианунинг "Арсенал"га қарши иккинчи бўлимда ўйнаганини кўрдим. У ажойиб профессионал ўйинчи.
Унинг ёшидаги футболчини бундай жисмоний ҳолатда кўрмаганман. У ўйинлар натижасини бемалол ҳал қила олади. Лекин гап фақат у ҳақида эмас, гап бутун жамоани ривожлантиришда. Кўрган нарсасидан келиб чиқиб айтадиган бўлсак, Роналду умумий мақсадларга эришиш учун қўлидан келганини қилишга тайёр", - дея Рангник сўзларидан иқтибос келтиради "BBC" нашри.
Август ойи охирида "Юнайтед"га қайтганидан бери Роналду 16 ўйинда 12 та гол урди ва 2 та голли узатмани амалга оширди.
