“Real Madrid” rahbariyati jamoaning bir qancha yulduz futbolchilarining o‘yinidan ko‘ngli to‘q emas. “Marca” gazetasi jurnalistlarining yozishicha, “qirollik klubi” Garet Beyl, Eden Azar va Iskoning o‘yin darajasidan norozi.
“Qaymoqranglilar” ustozi Karlo Anchelotti trioni avvalgi darajasiga qaytarishga urinib ko‘rdi, biroq hozircha muvaffaqiyatsizlikka uchradi. Shu munosabat bilan “Real Madrid” rahbarlari futbolchilarning o‘zlari tashabbus ko‘rsatishini va vaziyatni to‘g‘irlashga harakat qilishlarini talab qilmoqda.
Eslatib o‘tamiz, Beyl va Iskoning shartnomalari joriy mavsum oxirida yakuniga etadi. O‘z navbatida, Azar Madrid klubi bilan 2024 yilning yoziga qadar bitim imzolagan.
