"Real" bosh murabbiyi Karlo Anchelotti Yevropa chempionlar ligasi guruh bosqichining so‘nggi turidan o‘rin olgan "Inter"ga qarshi o‘yin arafasida o‘z fikrlari bilan o‘rtoqlashdi.

"Biz yuqori sifatli o‘yin va jonbozlik namoyish etyapmiz. Chempionlar ligasida g‘olib chiqa olamizmi? Eng asosiysi, bu haqda o‘ylamasdan, shunaki har bir o‘yinga yaxshi tayyorgarlik ko‘rishimiz zarur.

Oldimizda turgan bahsda kuchli raqibni mag‘lub etishni istaymiz. Maqsadimiz — musobaqaning oxirigacha borish. Bu esa juda qiyin ish. Yevropaning eng muvaffaqiyatli klubi sifatida bu bizning burchimiz", - dedi Anchelotti.

Eslatib o‘tamiz, "Real" - "Inter" uchrashuvi 7 dekabr, seshanba kuni "Santyago Bernabeu"da bo‘lib o‘tadi. O‘yin tungi soat 01:00da boshlanadi.