"Manchester Yunayted" muxlislari tomonidan darvozabon David De Xea jamoaning noyabr oyidagi eng yaxshi futbolchisi deb topildi.
Klub matbuot xizmatining xabar berishicha, De Xea 2018 yilning fevralidan beri ilk bor oyning eng yaxshi futbolchisi sovrinini qo‘lga kiritdi.
Noyabr oyida 31 yoshli darvozabon “qizil iblislar” safida barcha musobaqalarda yettita o‘yinda maydonga tushdi, shundan ikkitasi darvozasi daxlsizligini saqlab qoldi.
“Men jamoaga yordam berish istagidaman. Muhim daqiqalarda seyv qilishga harakat qilaman. Shuning uchun men shu yerdaman. Hozir men yaxshi o‘ynayapman va jamoaga yordamim tegyabdi.
Rostini aytsam, mavsum boshidanoq o‘zimni juda yaxshi his qilyapman. Men o‘zimni yanada ishonchli va ruhiy jihatdan kuchli deb hisoblay olaman. Albatta, bu mukofotdan juda xursandman. Muxlislarga rahmat.
«Manchester Yunayted» bir necha qiyin haftalarni o‘tkazdi, ammo oxirgi natijalar yaxshi. Biz ham xuddi shunday ruhda davom etishga harakat qilamiz”, - deydi De Xea.
Eslatib o‘tamiz, sentyabr va oktyabr oylarida Krishtianu Ronaldu oyning eng yaxshi futbolchisi uchun sovrinlarni olgan edi.
