Moskvaning “Spartak” klubi Yevropa ligasi guruh bosqichida eng ko‘p sariq kartochka olgan jamoa bo‘ldi.
"Qizil-oqlar" yevrokuboklar guruh bosqichining olti o‘yinida 23 ta sariq kartochka ishlab olishdi.
Yevropa ligasining guruh bosqichi yakunlanganidan so‘ng, Moskva jamoasi guruhda birinchi o‘rinni egallagan. Ruy Vitoriya shogirdlari 10 ochko jamg‘arishgan. Ikkinchi o‘rinda "Napoli" joylashgan. Italiya jamoasi ham 10 ochko jamg‘argan bo‘lsa-da, o‘zaro to‘qnashuvlar natijalari bo‘yicha Moskva klubidan yengilgan. Angliyaning “Lester” jamoasi esa 8 ochkoni qo‘lga kiritgan.
