"Real Madrid"ning ispaniyalik vingeri Marko Asensio "qaymoqranglilar" safini tark etishi haqidagi fikrlari bilan o‘rtoqlashdi.

"Ba’zida qiyin bo‘lishi mumkin, ammo mening maqsadim aniq. Jamoaning vazifasi - bu mavsumni hamma uchun muvaffaqiyatli o‘tkazish. Men o‘z ishimga bor e’tiborimni qaratganman va bor kuchimni shunga sarflayman.

Ochig‘i, mening maqsadim jamoa uchun muhim bo‘lish va imkon qadar ko‘proq daqiqalarni maydonda o‘tkazish. Buning uchun har kuni o‘z ustimda ishlayman.

“Ketish haqida gapirishga hali erta. Aytganimdek, men muntazam ravishda o‘ynashni, ishlashni va o‘yin vaqtini olishni xohlayman. Keling, voqealar qanday rivojlanishini ko‘ramiz", - dedi Asensio "Movistar +" telekanaliga bergan intervyusida.

Joriy mavsumda Marko La Liganing 14 ta o‘yinida maydonga tushib, 4 ta gol urishga muvaffaq bo‘ldi.