"Реал Мадрид"нинг испаниялик вингери Марко Асенсио "қаймоқранглилар" сафини тарк этиши ҳақидаги фикрлари билан ўртоқлашди.

"Баъзида қийин бўлиши мумкин, аммо менинг мақсадим аниқ. Жамоанинг вазифаси - бу мавсумни ҳамма учун муваффақиятли ўтказиш. Мен ўз ишимга бор эътиборимни қаратганман ва бор кучимни шунга сарфлайман.

Очиғи, менинг мақсадим жамоа учун муҳим бўлиш ва имкон қадар кўпроқ дақиқаларни майдонда ўтказиш. Бунинг учун ҳар куни ўз устимда ишлайман.

“Кетиш ҳақида гапиришга ҳали эрта. Айтганимдек, мен мунтазам равишда ўйнашни, ишлашни ва ўйин вақтини олишни хоҳлайман. Келинг, воқеалар қандай ривожланишини кўрамиз", - деди Асенсио "Movistar +" телеканалига берган интервьюсида.

Жорий мавсумда Марко Ла Лиганинг 14 та ўйинида майдонга тушиб, 4 та гол уришга муваффақ бўлди.