Xabaringiz bor, "PSJ"ning ispaniyalik markaziy himoyachisi Serxio Ramos jarohat sabab ketma-ket uchinchi o‘yinni o‘tkazib yubormoqda.
Bir necha daqiqa avval e’lon qilingan parijliklarning "Monako"ga qarshi o‘yin uchun qaydnomasidan Ramos o‘rin olmagan edi.
"L'Équipe" nashri xabariga ko‘ra, murabbiylar shtabi futbolchining sog‘lig‘i bilan yana muammo chiqishini istamaydi. Shu sabab, Serxio kelasi haftadan jamoaviy mashg‘ulotlarga qaytishi kutilmoqda, deya xabar berdi manba.
Ma’lumot uchun, futbolchi joriy mavsum parijliklar safida Fransiya chempionatining birgina o‘yinida maydonga tushdi.
