Angliya chempionati 17-turidan o‘rin olgan "Manchester Siti" – "Lids" (7:0) uchrashuviga oid qiziqarli statistika va faktlar bilan tanishing.
– “Man Siti” Angliya chempionatida 2021 yilda 33 ta g‘alabaga erishdi va bir yilda qo‘lga kiritilgan g‘alabalar soni bo‘yicha “Liverpul”ning 1982 yildagi rekordini takrorladi;
– “Lids” Angliya musobaqalarida uchinchi marta 0:7 hisobida mag‘lub bo‘ldi. Bu klub tarixidagi eng yirik mag‘lubiyat;
– “Shaharliklar” APLda ketma-ket 7 ta o‘yindan beri g‘alaba qozonmoqda. Gvardiola jamoasi 2019 yilning sentyabridan keyingi eng yirik g‘alabasini qayd etdi;
– Jek Grilish APLda avgust oyidan keyin ilk bor gol urdi. Bu uning ligada bosh bilan urgan dastlabki goli bo‘ldi;
– “Man Siti” APLda Gvardiola qo‘l ostidagi 500-golini urdi. Pep bu natijaga eng tez erishgan (207 o‘yinda) murabbiy bo‘ldi. Kloppning “Liverpul”i 500 ta gol urish uchun 234 ta o‘yin sarflagandi.
