Англия чемпионати 17-туридан ўрин олган "Манчестер Сити" – "Лидс" (7:0) учрашувига оид қизиқарли статистика ва фактлар билан танишинг.
– “Ман Сити” Англия чемпионатида 2021 йилда 33 та ғалабага эришди ва бир йилда қўлга киритилган ғалабалар сони бўйича “Ливерпуль”нинг 1982 йилдаги рекордини такрорлади;
– “Лидс” Англия мусобақаларида учинчи марта 0:7 ҳисобида мағлуб бўлди. Бу клуб тарихидаги энг йирик мағлубият;
– “Шаҳарликлар” АПЛда кетма-кет 7 та ўйиндан бери ғалаба қозонмоқда. Гвардиола жамоаси 2019 йилнинг сентябридан кейинги энг йирик ғалабасини қайд этди;
– Жек Грилиш АПЛда август ойидан кейин илк бор гол урди. Бу унинг лигада бош билан урган дастлабки голи бўлди;
– “Ман Сити” АПЛда Гвардиола қўл остидаги 500-голини урди. Пеп бу натижага энг тез эришган (207 ўйинда) мураббий бўлди. Клоппнинг “Ливерпуль”и 500 та гол уриш учун 234 та ўйин сарфлаганди.