Yangi yilda O‘zbekiston futbolining Superligasida to‘p suradigan "Neftchi" PFK murabbiylar shtabi asosiy tarkibni iste’dodli yoshlar hisobiga kengaytirish bo‘yicha izchil ish olib bormoqda.
Bugun shu yo‘nalishda yoshlar safida faoliyat yuritgan yarim himoyachilar Akobirjon Ahmadjonov va Faxriddin Muhammadov bilan 3 yillik shartnomalar imzolandi. Ikkala yosh futbolchi ham tengdoshlari orasida o‘z kasbiga sadoqati va mahorati yuksak ekanligini isbotlagan sportchilardir.
Ularga yangi futbol mavsumida ham sevimli jamoamiz sharafini munosib ardoqlashlarida mustahkam iroda, kuch-quvvat va shijoat tilaymiz.
"Neftchi" matbuot xizmati
