Allaqachon yangi mavsum tadorigini boshlab yuborgan “Metallurg” PFK rahbariyati tarkibni kuchaytirishga alohida e’tibor qaratmoqda. Jumladan, jamoa o‘z vaqtida “Metallurg” sharafini himoya etgan, so‘nggi mavsumlarni Namanganning “Navbahor” jamoasida o‘tkazgan tajribali yarim himoyachi Islombek Isoqjonov bilan shartnoma imzoladi.

Islombek Isoqjonov 2017–2019 yillar mobaynida bekobodliklar safida to‘p surgandi. Kuchlilar safidagi faoliyatini Olmaliqda boshlagan Isoqjonov keyinchalik “So‘g‘diyona”, “Andijon”, “Navbahor” jamoalarida o‘tkazgan. 2020 yildan e’tiboran esa yana Namangan viloyati bosh jamoasida to‘p tepib kelayotgandi.

Bugungacha Islombek Isoqjonov O‘zbekiston milliy chempionati bahslarida 159 ta o‘yinda maydonga tushgan. Raqiblar darvozasiga 20 ta to‘p kiritgan. 35 marta sariq kartochka bilan jazolangan.

Islombek Isoqjonov – 28 yoshda. 1993 yilning 29 aprel sanasida tavallud topgan.
Ampluasi – yarim himoyachi.
Bo‘yi – 176 sm.
Vazni – 77 kg.