Angliya chempionatining 18-turidan o‘rin olgan "Nyukasl" – "Manchester Siti" uchrashuvi (0:4) haqida qiziqarli fakt va statistikalar bilan tanishing.
– “Man Siti” 2021 yilda APL doirasida 34 ta g‘alaba qayd etdi va bir yilda qo‘lga kiritilgan yutuqlar soni bo‘yicha “Liverpul”ning 39 yillik rekordini yangiladi;
–“Nyukasl” APLda 2021 yilda 79 ta gol o‘tkazib yubordi va bu borada liga antirekordini qayd etdi. 1994 yilda “Ipsvich” shuncha to‘p o‘tkazib yuborgandi. “Hakkalar”ni yil oxirigacha “Man Yunayted” va “Everton”ga qarshi bahslar kutib turibdi;
– “Siti” 2021-yilda APL o‘yinlarida 105 ta gol urdi va bu borada 1929 yildagi rekordini yangiladi;
– “Shaharliklar” chempionatdagi ketma-ket 8 o‘yinni g‘alaba bilan yakunladi. So‘nggi uch o‘yinda to‘plar nisbati 12:0 ga teng bo‘ldi.
