Hujumchi Lionel Messining «PSJ»ga o‘tiishi klubning ichki muhitiga ta’sir ko‘rsatdi, deya xabar tarqatdi"L’Equipe" nashri.

Bunda eng ko‘p jabr chekkan futbolchi Kilian Mbappe bo‘ldi. Neymar 2017 yilda Parijga ko‘chib o‘tganidan so‘ng fransiyalik futbolchi u bilan yaqin do‘stga aylangandi. Braziliyalik forvard endi Messi bilan ko‘proq muloqotda bo‘lmoqda.

Mbappe esa jamoaning boshqa yangi futbolchisi Ashraf Hakimiy bilan do‘stona munosabat o‘rnatdi.

Ma’lumotlarga qaraganda, "Pari Sen-Jermen" tarkibi ikki guruhga bo‘lingan: fransuz tilida gaplashuvchi o‘yinchilar va ispan tilida so‘zlashuvchi futbolchilar. Messi jamoaga kelgunga qadar Mbappe ko‘proq ispan tilida gaplashuvchilar bilan yaqin bo‘lgandi. So‘nggi paytlarda esa u fransiyaliklar safiga o‘tib olgan.