"Barselona" himoyachisi Serjinyo Dest qishki transfer oynasida jamoani tark etishi mumkin. 2020 yil oktyabr oyida “Barselona”ga ko‘chib o‘tgan amerikalik futbolchiga “Chelsi” va “Ayaks” klublari qiziqish bildirmoqda. Bu haqda "Diario Sport" xabar bermoqda.
Manbaning xabariga ko‘ra, ingliz klubi 21 yoshli futbolchi uchun 30 million yevro taklif qilishga tayyor. Dest mavsum oxirida shartnomasi tugaydigan Sezar Aspilikueta o‘rniga o‘rinbosar sifatida ko‘rilmoqda. “Barselona” esa “Ayaks” himoyachisi Nussayr Mazrauiga qiziqish bildirmoqda. Tomonlar almashinuv bo‘yicha kelishib olishlari mumkin.
Joriy mavsumda Dest Ispaniya La Ligasining 12 ta uchrashuvida 3 ta golli uzatmani amalga oshirdi. Amerikalik futbolchining shartnomasi 2025 yilda yakuniga etadi.
