"Барселона" ҳимоячиси Сержиньо Дест қишки трансфер ойнасида жамоани тарк этиши мумкин. 2020 йил октябрь ойида “Барселона”га кўчиб ўтган америкалик футболчига “Челси” ва “Аякс” клублари қизиқиш билдирмоқда. Бу ҳақда "Diario Sport" хабар бермоқда.

Манбанинг хабарига кўра, инглиз клуби 21 ёшли футболчи учун 30 миллион евро таклиф қилишга тайёр. Дест мавсум охирида шартномаси тугайдиган Сезар Аспиликуэта ўрнига ўринбосар сифатида кўрилмоқда. “Барселона” эса “Аякс” ҳимоячиси Нуссайр Мазрауига қизиқиш билдирмоқда. Томонлар алмашинув бўйича келишиб олишлари мумкин.

Жорий мавсумда Дест Испания Ла Лигасининг 12 та учрашувида 3 та голли узатмани амалга оширди. Америкалик футболчининг шартномаси 2025 йилда якунига этади.